Kuch khayal: Tere bhi, mere Bhi.

Kuch adhure se, kagaz pe likhi aadhi kahani se

khwab, tere bhi hain, mere bhi.

Kuch khamosh se, khayalo ki bheed mein dabe

alfaz, tere bhi hain, mere bhi.

Ankhon me pighalte, chehre pe fisalte

rumani se andaaz, tere bhi hain, mere bhi.

Kuch sehme se, andhere mein dare bachhe se

ahsas, tere bhi hain, mere bhi.

Ik udaas si dhun bajate, tanha se saaz

tere bhi hain, mere bhi.

Tera kehna hai ki hum alag, hamare raste alag

humari manzile alag si hain.

Phir bhi ek dusre ko pukarti, thartharati,

siharti hui si awaz, teri bhi hai, meri bhi.

.